Футсалците поразени од БиХ со сомнителен гол на 12. секунди пред крајот на натпреварот
Футсал репрезентацијата на Македонија е поразена од селекцијата на БиХ во квалификациите за ЕП со сомнителен гол постигнат на 12. секунди до крајот на натпреварот. Репрезентативецот на БиХ, Билал Јелиќ постигна гол, а прашање е дали топката со цел обем на помина гол-линијата, но судијата го призна голот и со тоа му донесе триумф на лидерот во квалификациската група.
Избраниците на селекторот Васко Скендеровски во два наврати успеаја да се вратат од негатива, прво Ранготов во 23. минута израмни на 1:1 откако претходно Сесар погоди за водствона БиХ. Гостите повторно поведоа во 36. минута со голот на Хркиќ, а Македонија дојде до израмнување на 78. Секунди до крајот на натпреварот кога погоди Рамадан. Сепак, на 12. Секунди до крајот Јелиќ постигна гол со кој БиХ го задржа максиманиот ефект во квалификациите, додека Македонија остана на последното место на табелата со два бода.