Женската фудбалска репрезентација на Македонија доживеа пораз во квалификациите за СП 2023 година и тоа од селекцијата на Луксембург со 2:3.

Поразот доаѓа само пет дена откако фудбалерките ја совладаа Летонија со 4:1, а противникот досега загуби од сите три натпревари против С. Ирска (0:4), Англија (0:10) и Австрија (0:5)

На натпреварот кој се играше во Охрид на стадионот „Билјанини Извори“, резултатот го отворија гостинските фудбалерки со голот на Маркес Абреу во осмата минута. Македонија успеа да израмни во 21. минута преку Рочи.

Македонија во вториот дел остана без Наташа Андонова, која беше заменета, а тоа го искористија гостинките кои постигнаа два гола преку Тил со кои ја обезбедија победата. Македонија во финишот успеа само да го намали резултатот преку Николовска.
По четири кола во квалификациите за СП, Македонија има скор од една победа и три порази, исто како и Луксембург и се наоѓа на претпоследното петто место на табелата.