Фудбалер на македонскиот клуб „Рокдејл Илинден“, 27-годишниот Дан Елкајам, е меѓу жртвите во терористичкиот напад што се случи на плажата Бонди во Сиднеј, соопшти клубот преку социјалните мрежи.

Од Рокдејл Илинден наведуваат дека со длабока тага ја примиле веста за смртта на нивниот соиграч, кој, како што истакнуваат, бил исклучително талентиран фудбалер и омилена личност во екипата. Клубот изрази најискрено сочувство до семејството на Елкајам, неговите пријатели и сите кои го познавале, посочувајќи дека неговото заминување ќе остави голема празнина во тимот.

ФОТО | Вознемирувачки сцени во Сиднеј – се слушаат пукотници, луѓето панично бегаат

Нападот бил извршен од татко и син, при што загинале 15 луѓе, а биле повредени 40-мина. Инцидентот се случил на плажата Бонди за време на настан организиран по повод првиот ден од еврејскиот празник Ханука, а властите официјално го класифицираа како терористички напад.