Французите беа арогантни, ми доаѓа да заплачам од среќа
Швајцарија вчера го направи најголемото изненадување на Евро 2020, во пенал рулетот го елиминира актуелниот светски шампион Франција откако во регуларните 90 минути беше 3:3. Швајцарците на девет минути до крајот губеа со 3:1, но со головите на Сеферовиќ и Гаврановиќ се изборија за продолженија, а потоа и за пенали каде вистински јунак беше голманот Јан Зомер кој во петтата серија му го одбрани ударот на Килијан Мбапе.
– Ова беше неверојатен натпревар, покажавме одличен менталитет и борбеност. Горд сум на целата репрезентација, при резултат 3:1 за Франција никој не веруваше во нас, но пред натпреварот со рековме: без разлика на сценариото, одиме до крај. Французите беа силни, но станаа некако арогантни. Ми доаѓа да плачам од среќа, бевме во бездната но се вративме со неверојатен пресврт – изјави голманот Јан Зомер.
Следниот предизвик за Швајцарците е четвртфиналната пресметка со Шпанија на 2. јули во Санкт Петербург.
ВИДЕО: Крај за светскиот шампион, Швајцарија во пенал рулетот ги елиминира Французите