Франција и покрај кризата со корона вирусот в недела ќе ги одржи регионалните избори во земјата
На гласачите им се препорачува да си носат пенкала, а на гласачките места ќе бидат доставени средства за дезинфекција.
Францускиот претседател Емануел Макрон изјави дека земјата е на почеток на епидемијата од корона вирусот. Тој ги повика граѓаните на смиреност и „граѓанско однесување“ и потсети дека 85те случаи кај кои е констатирана заразата имаат лесна форма на вирусот.
Министерот Кристоф Кастанер препорача в недела за кога е предвидено одржување на регионалните избори во земјата граѓаните да носат пенкала со сина или црвена боја, која не се брише за потпишување во изборните списоци по гласањето, за да се избегне евентуално пренесување на вирусот.
Во моментов во Франција од коронавирус се заразени 1,370 лица од кои 66 се во критична состојба, излечени се 12, а починале 30 лица.