В четврток (2 јуни) со почеток од 18.00 часот македонската А репрезентација ќе го игра првиот натпревр од Лигата „Ц“ против селекцијата на Бугарија на гостински терен.

Избраниците на селекторот Благоја Милевски се подготвуваат за претстојниот меч кој може да биде решавачки за освојување на првото место во групата „Ц4“.

Европската фудбалска унија (УЕФА) објави дека Французинот Жереми Пињар ќе биде главен судија на мечот во Разград.

Пињар воглавно суди натпревари од француската „Лига 1“, на меѓународната сцена беше воглавно четврти судија на мечевите од Лига Европа, Барселона – Галатасарај (0:0), Зенит – Реал Бетис 2:3, Баер Леверкузен – Аталанта 0:1…

Негови помошници ќе бидат Орелиен Друе и Лорен Кониглио исто така од Франција. УЕФА делегат е Јан Коринек од Чешка.

Емил Божиновски ќе биде контролор на дербито во првото коло од Лигата на нации меѓу Шпанија и Португалија кои ќе играат во Севиља.

Николов: Искрено, да играш четири натпревари за 10 дена е катастрофа!