За време на репрезентативната пауза, францускиот фудбалер Н’Голо Канте отпатува во Мали, земјата на неговите предци, каде со пет милиони долари ја финансира изградбата на модерна, висококвалитетна медицинска установа во Бамако. Канте постојано им помагаше на сиромашните семејства во текот на неговата кариера преку подобрување на здравствените установи за децата.

Поранешниот играч од средниот ред на Челси и Лестер сити сега игра за саудискиот клуб Ал-Итихад, и го користи својот фудбалски успех за да го прошири својот ангажман.

Според „Бизнис Деј“, Канте заработува околу 25 милиони долари како играч од средниот ред во Саудиска Арабија и уште еднаш покажа дека е длабоко посветен на покренување иницијативи кои ги поддржуваат областите на кои им е најпотребно.

Освојувачот на Лигата на шампионите, Светското првенство, Премиер лигата, Лигата на Европа и Лигата на нации е роден во Париз, но и двајцата родители се Малијци. Тој изјави дека отсекогаш се чувствувал поврзан со Мали, а 33-годишниот фудбалер дури го добил името по малискиот цар Нголо Диара.

Последниот болнички проект на Канте доби значителна поддршка од неговите фанови, како и од самите Малијци. Тие на социјалните мрежи му се заблагодарија на Конте за проектот, велејќи дека тоа е почит за неговата посветеност на службата надвор од фудбалот.

Kante went to Commission a $5 million dollar hospital in Mali yet so humble and down to earth like he doesn’t have N5 million to his name. pic.twitter.com/hlFLlapcJ2

— Red Pen ❗️ (@_Minikothe3rd) March 20, 2025