Франција будно ја следи состојбата со бурата Фиона, вели Макрон
Франција добро ја знае заканата од природна катастрофа за Гвадалупе по силното невреме поврзано со моќната бура Фиона, која предизвика поплави на Карибите, при што загина еден човек, објави на Твитер францускиот претседател Емануел Макрон, пренесува Ројтерс.
„По невремето Фиона, моите мисли одат во Гвадалупе, до нашите сонародници кои се погодени од невремето. Состојбата на природна катастрофа ќе биде препознаена и ќе се мобилизира фондот за помош за прекуокеанските територии“, напиша Макрон.
Еден човек синоќа беше пронајден мртов, откако неговата куќа била однесена од поплавите во областа Басе-Тер, соопштија локалните власти.
Официјалното признавање на природната катастрофа, исто така, овозможува пристап до барањата за осигурување за природни катастрофи за жителите и деловните субјекти кои го чистат и почнуваат да го поправаат имотот.