Откако загубија минимално во првиот натпревар (1:0) во Белгија, во реваншот од осминафиналето на Лигата на Европа, фудбалерите на Фрајбург триумфираа на домашен терен со 5:1 над Генк.

За германскиот клуб во 19 минута стрелаше Гинтер за водство, а предноста во 25 минута ја зголеми Матановиќ. Во првото полувреме видовме уште еден гол, гостите намалија преку Сметс (39`).

Во 53 минута Грифо зголеми на 3:1, во 57 минута за 4:1 се погрижи Сузуки, а конечниот епилог го постави Егестеин (79`).

Во четврфиналето се пласираше и составот на Селта Виго која успеа на возвратниот дуел на гости да слави со 2:0 против Лион. На првиот меч во Шпанија резултатот беше 1:1.

Французите играа со фудбалер помалку поради црвениот картон на Ниахате во 19 минута. На првиот погодок се чекаше до 61 минута кога стрелаше Руеда, а во самиот финиш од средбата домашната мрежа ја затресе Јутгла за 2:0 (90+2`).