Неколку стотици демонстранти вчера втор ден по ред се собраа на улиците во Мелбурн. Тие протестираат против рестриктивните мерки воведени поради коронавирусот, што директно го загрози нивното постоење, пренесува Ројтерс.

Синоќешните протести ескалираа кога демонстрантите се судрија со полицијата.

Тие се незадоволни бидејќи властите ја донесоа одлуката за затворање на градежната индустрија на две недели, поради лошите мерки за заштита при работата.

Министерството за здравство потврди нови 409 случаи на коронавирус кои се поврзани со луѓе кои работат во градежната индустрија.

„Како резултат на овие податоци, тимот за јавно здравје нема друг избор освен да го притисне копчето за пауза и да продолжи да работи со секторот во следните две недели со цел да се подобри усогласеноста и да се забави ширењето на вирусот“ рече министерот за здравје.

Оваа одлука ги налути работниците чиешто секојдневно преживување беше загрозено на овој начин и тие одлучија своето незадоволство да го изразат со протести на улиците во Мелбурн.

#Melbourne #Australia tradesmen protest medical fascism by government for @DanielAndrewsMP, paranoid Dictator Dan responds by shutting down construction industry for 2 weeks. This won’t end well for Govt. Watch this space: pic.twitter.com/2zaZzW0xhv

— Patrick Henningsen (@21WIRE) September 21, 2021

Видеата кои кружат на Твитер покажуваат како полицијата почнува да бега со автомобили откако гневните демонстранти тргнаа кон нив. Тие се обиделе брзо да ги свртат службените возила и да побегнат, меѓутоа, револтираните граѓани ги стигнаа.

Meanwhile in Melbourne. pic.twitter.com/IlIHCFgRAW

— Avi Yemini 🇦🇺🇮🇱 (@OzraeliAvi) September 21, 2021

Некои од нив почнале да фрлаат камења и шишиња по полициските автомобили, додека други отидоа чекор подалеку и почнаа да ги удираат возилата со рацете и да кршат прозорите на возилата.

Полициските автомобили потоа застанале и вооружените полицајци тргнале кон толпата, која во тој момент почнала да бега.

Командантот на полицијата во Викторија, Марк Галиот, денеска им рече на новинарите дека се уапсени 235 демонстранти, меѓу кои 193 лица кои ќе бидат казнети за кршење на мерките за јавно здравје.

Многумина во коментарите го осудија насилното однесување на граѓаните, наведувајќи дека тие не го оправдуваат таквото насилство, како и дека ова не е начин да се добие посакуваната слобода.