ФОТО+ВИДЕО | Пејачот на „Манескин“ раскина со долгогодишната девојка, веднаш ја замени со млада манекенка
Пејачот на италијанската рок-група „Манескин“, Дамијано Давид (24) синоќа беше забележан како се бакнува со 22-годишната манекенка Мартина Таљенти во ноќен клуб, а видеата од нивниот страстен бакнеж веднаш се појавија на социјалните медиуми.
@valeeebarba daje damianooo#damianomaneskin #damianodavid #foryou ♬ suono originale – valeeebarba
Во прв момент, сите го обвинија фронтменот на „Манескин“ дека ја изневерил неговата долгогодишна девојка, моделот Џорџија Солери (27) . Но, Дамијано Давид ги демантираше овие обвинувања и објави инстаграм-сторија во која објасни дека тој и Солери „раскинале пред неколку дена“.
„Многу ми е жал што излезе ова видео. Ова не беше начинот на којшто сакавме да се справиме со ситуацијата и ова е моја грешка. Јас и Џорџија решивме да раскинеме пред неколку дена, па не станува збор за некакво неверство. Се надевам дека ова нема да влијае врз имиџот на Џорџија и дека ќе ја почитувате деликатноста на овој момент“, напиша тој на Инстаграм.
Во меѓувреме, Џорџија Солери го отследи Дамијано Давид на Инстаграм, но и басистката на „Манескин“ – Викторија Де Анџелис. Причината за тоа, веројатно, е дека Мартина Таљенти и Викторија Де Анџелис се блиски пријателки, а доказ за тоа е новата заедничка фотографија на Дамијано Давид и двете девојки.
Како потсетување, Дамијано Давид и Џорџија Солери важеа за еден од најубавите парови на италијанската јавна сцена, а беа заедно од 2017 година.
ФОТО+ВИДЕО | Рок венчавка: Членовите на „Манескин“ направија свадба во Рим