ФОТО+ВИДЕО: Новак Ѓоковиќ ја освои 24 грен слем титула
Најдобриот српски тенисер Новак Ѓоковиќ го победи Русинот Данил Медведев во финалето на последниот грен слем турнир годинава, „УС Опен“ во Њујорк, САД, со 3:0 во сетови (6:3, 7:6, 6:3).
Ова е 24 грен слем титула за Ѓоковиќ и сега има две повеќе од Шпанецот Рафаел Надал, а четири од Рожер Федерер од Швајцарија. Ѓоковиќ по четврти пат го освојува „УС Опен“, претходно тоа му успеа во 2011, 2015 и 2018 година.
И покрај тоа што речиси цел свет „посака“ нова пресметка меѓу Ѓоковиќ и Карлос Алкараз, во финалето гледавме реприза од 2021 година кога победи Русинот го спречи Србинот да го комплетира календарскиот гренслем.
По тој дуел Новак „врза“ четири триумфи против Данил, но последниот годинава го загуби во Дубаи. Меѓусебниот резултат е 9:5 за Ѓоковиќ.
Сега во Њујорк поведе во првиот сет со 6:3. Во вториот сет Русинот пружи многу поголем отпор, имаше повеќе долги размени на удари, аплаузи за убавината и упорноста на играта и играчите. И во тај брејкот кој го доби со 7:5, се најде на чекор до уште една титула на Грен слем турнирите. Во следниот период, Медведев побара медицински тајм-аут и масажа на рамото. Првите два сета траеја нешто повеќе од 2,5 часа игра.
Третиот сет го покажа целиот раскош на играта на Новак. По три часа и 10 минути му се оствари сонот. И доби долг искрен аплауз од публиката. Медведев не можеше да му парира. Повеќе од заслужено и формално повторно е светски рекет број 1 – и ја продолжува својата доминација, 389 недели на врвот.
– Живеам за овие моменти и уживам во овој прекрасен спорт. Овој успех е успех на моето семејство, мојот тим и мојата земја. Видов дека имав шанса да бркам историја и реков – зошто да не – беше шампионскиот говор на Ѓоковиќ.
Пехарот му го врачи поранешниот американски тенисер, Енди Родик, легенда на овој спорт.
That's a lot of hardware. 🤯 pic.twitter.com/eRPA0vxNMl
— US Open Tennis (@usopen) September 11, 2023
Novak hoists the 🏆 once again in New York! pic.twitter.com/LmZGzxT4Tp
— US Open Tennis (@usopen) September 11, 2023
CAN YOU DIG IT?!?! pic.twitter.com/pp81jDfKDB
— US Open Tennis (@usopen) September 10, 2023