Светките се кошмар на секој дом и гардероба, но на социјалните мрежи тие добија сосема нова улога – тие станаа средство за заштита при излегување.

Една девојка стана вирална на социјалната мрежа Тикток откако откри дека секогаш се посипува со светки пред да излезе на првото рандеву со некој маж.

Идејата е едноставна: ако мажот е оженет, тој нема да сака физички контакт бидејќи светките би завршиле врз него, а тоа би било тешко да се објасни дома.

Видеото ја прикажува креаторката на Тикток, Далија Гранде, во црн фустан, како обилно нанесува светки по целото тело додека се подготвува за состанок.

„Одам на прв состанок, а сум на возраст кога мажите можат да бидат во брак (оженетите мажи ГИ МРАЗАТ светките)“, напишала таа во видеото, додавајќи: „За секој случај“.

@damn.it.dalia Just to be safe #glitter #darkhumor #dating #datingtips #marriedmen #girlsgirl ♬ Girls Just Want to Have Fun – yourmusic4ever💯

Теоријата зад овој трик брзо го освои интернетот. Според таа логика, зафатен маж нема да се обиде да се приближи бидејќи трагите од светки би можеле да го откријат пред неговата сопруга.

Коментарите под видеото експлодираа, а многу жени порачаа дека и самите би ја пробале оваа тактика.

„Таа се штити себеси и им помага на другите жени, јас сум целосно за тоа“, напишала една корисничка.

„Ги мразев светките дури и пред да се омажам, но ова е всушност генијална идеја“, признала друга.

„Прекрасна си, паметна и само ме интересира – колку светкав е твојот ходник сега?“, се пошегувала трета.

Некои отидоа чекор понатаму во своите шеги:

„Оваа количина светки ги одбива женетите мажи, комарците, мечките и вампирите“, гласел еден коментар.

Имаше и такви што предложија контратактики.

„Почнувам да носам светки и да го гушкам мојот сопруг пред да излезе – значи обратно“, напишала една жена.

Ова не е првпат светките да се користат како „детектор за измама“. Тикток претходно беше преполн со видеа од женски корисници кои споделуваат трикови за проверка на верноста на нивниот партнер, од посипување светки на автомобил до парфеми кои тешко се отстрануваат.

Една жена открила дека сипала светки во штитникот за сонце на совозачкото седиште од автомобилот на нејзиното момче за да провери дали некој друг вози таму.

Друга признала дека неговиот автомобил намерно го испрскала со парфем, а тој се налутил затоа што „нема да има време да го отстрани мирисот пред следниот состанок“.

Без разлика дали станува збор за шега или сериозна тактика, едно е сигурно – социјалните мрежи продолжуваат да наоѓаат креативни и духовити начини да предупредат за црвени знамиња во светот на состанувањата, пишува „Њујорк пост“.