ФОТО+ВИДЕО | Најзборувана креација: Џилијан Андерсон во фустан со извезени вагини на Златните глобуси
Американската актерка Џилијан Андерсон (55) се појави во смела креација на 81. доделување на филмската награда Златен глобус.
Имено, ѕвездата на серијата „Сексуално образование“ („The Sex Education“) облече бел фустан со извезени вагини, креација на дизајнерката Габриела Херст. На прв поглед делува дека актерката носи класичен свечен фустан, но кога ќе обрнете внимание на деталите, ќе сфатите дека на него се извезени делови од женската анатомија.
Во интервју за „Екстра“, Андерсон објасни дека фустанот е соработка помеѓу Херст и нејзиниот „алтернативен велнес бренд“ – „Џи спот“.
„Јони [санскритскиот збор за женски полов орган] – има многу од нив на мојот фустан. Беа потребни три и пол часа за да се извезе секоја, а ги има многу. Биле потребни 150 часа за да се извезат сите“, изјавила актерката.
„Бидејќи моето присуство на социјалните медиуми ја истакнува јони откако ‘Сексуално образование’ пристигна на Нетфликс и имајќи предвид дека мотото на мојот бренд ‘Џи спот’ е ‘приоритизирање на задоволството’, сакав да го внесам овој елемент во дизајнот“, додаде таа за британскиот „Вог“.
ФОТО | Мулдер и Скали повторно се обединија: Фотографија која ги воодушеви фановите на „Досие икс“