ФОТО+ВИДЕО | Голотија и порно-фотографии: Шокантната серија на Ејџ-би-о „Idol“ прикажана во Кан
Шокантната серија „Idol“, во која глумат Лили Роуз Деп и пејачот Д Викнд, премиерно се прикажа на Канскиот филмски фестивал. Ова е првата телевизиска серија која се промовира пред публиката на овој реномиран филмски фестивал.
Пред прикажувањето, неколку луѓе блиски до продукцијата на серијата излегоа во јавноста со тврдења дека серијата вклучува насилни, претерано сексуализирани сцени кои дури отворено промовираат силување. Овие тврдења првпат се појавија во магазинот „Ролинг Стоун“, кој се повика на 13 анонимни извори за кои тврди дека се вработени на снимањето на серијата на „Ејџ-би-о“.
Магазиниот „Варајети“ исто така, пренесува дека во серијата може да се види голотија, порно фотографии, мастурбација со коцки мраз и измамници кои поседуваат ноќни клубови.
По ваквите остри критики и обвинувања, „Ејџ-би-о“ реагираше со своето соопштение, во кое се вели дека во текот на процесот, креативниот тим се посветил на создавање безбедност, соработка и взаемно почитување во работната средина. Тие потврдија дека минатата година тимот направил креативни промени за кои сметале дека се во најдобар интерес и на продукцијата и на актерската екипа.
Меѓутоа, и покрај бројните критики и осуди, екипата на „Idol“, на премиерата во Кан беше поздравена со петминутни овации.
На каналите на „Ејџ-би-о“ , контроверзната серија ќе почне со емитување на 4 јуни кога и самите гледачи ќе можат да го дадат своето мислење.
ВИДЕО | Д Викенд и ќерката на Џони Деп непристојни во контроверзниот трејлер за „The Idol“