Фудбалерите на Флуминенсе за првпат во својата 121-годишна историја го освоија најголемиот трофеј во Јужна Америка – „Копа Либертадорес“, откако победија во финалето против Бока Јуниорс со 2:1.

Нивниот најголем градски ривал Фламенго повеќе не е единствениот тим од Рио кој може да се пофали со титулата шампион на Јужна Америка. Каде друго освен на нивната „Маракана“ во дуел кој покажа сè што нè тера да го сакаме јужноамериканскиот фудбал.

На „Маракана“ имаше 80.000 навивачи, а на плажите на Копакабана, според некои проценки, околу 150.000.

Во 36 минута Флуминенсе поведе преку Кано (1:0), голема заслуга за голот има Кено, кој прво одигра двојно додавање со Аријас, а потоа го пронајде својот напаѓач, кој одлично се избори за ударот и го совлада поранешниот аргентински репрезентативен голман. Тоа беше резултатот по првите 45 минути.

Израмнувањето дојде во 72 минута преку перуанскиот бек Адвинкула кој упати „проектил“ кој Фабио можеше само да ја испрати со поглед.

Клучниот момент се случи во продолженијата, односно во 99 минута кога херој на Флуминенсе беше Џон Кенеди.