Холивудската актерка Оливија Мун, на која пред три години ѝ беше дијагностициран агресивен рак на дојка, денес живее со полни гради. Таа неодамна беше снимена на улиците на Њујорк, насмеана и во беспрекорно елегантно издание, по гостувањето во емисијата „Тудеј“ каде отворено зборуваше за својата здравствена состојба.

Мун во март 2024 година ја шокираше јавноста откривајќи дека боледува од „луминален тип Б“ – исклучително агресивен облик на рак кој брзо се шири. По дијагнозата, таа помина низ серија тешки операции, вклучувајќи двојна мастектомија, реконструкција на градите, како и отстранување на јајниците и матката, што ја доведе до прерана менопауза.

„Среќна сум што сум во овој хаос“

Три години подоцна, Оливија е благодарна за секој нов ден. Иако признава дека терапијата која сè уште ја прима е исцрпувачка, таа не гледа назад со жалење.

„Не гледам на тоа како ракот да ми одзеде нешто или дека е неправедно што морам да бидам внимателна до крајот на животот. Знам дека сум среќна што сум тука. Права привилегија е едноставно да се биде жив на овој свет“, изјави актерката, која со сопругот Џон Мулејни има две мали деца, Малколм (4) и Меи (1).

Интересен е фактот што нејзините претходни рутински мамографски прегледи не покажале никакви абнормалности. Ракот бил откриен дури откако направила дополнителни детални испитувања врз основа на калкулатор за процена на ризик, што денес го истакнува како клучна одлука која ѝ го спасила животот.