ФОТОГАЛЕРИЈА | Ревијата на „Викторија Сикрет“ се враќа: Многу познати дами блеснаа на розевиот тепих на гала вечерта
По четири години пауза, се враќа годишната ревија на „Викторија Сикрет“. Од 2018 година брендот за долна облека направи огромни промени. Помина времето на дијамантски градници, експлицитна и провокативна долна облека, според компанијата новата колекција ќе биде фокусирана на поинклузивна дефиниција за убавина, пишува „Вог“.
Минатата вечер во Њујорк, брендот откри како ќе изгледа новата верзија на нивното најпознато шоу. Настанот од сега ќе се нарекува, „Шоу на светската турнеја на Викторија Сикрет“, а планирано е да ја вклучи работата на дизајнери од различни делови на светот, различни религии, големини на телото и боја на кожа.
Новото шоу ќе има премиера на „Амазон прајм“ на 26 септември. Според странските медиуми, ревијата ќе биде прикажана како документарен филм кој ќе ги спои модата, филмот, културата и музиката.
На гала вечерта во Њујорк, пристигнаа најпознатите манекенки на светот, меѓу кои Емили Ратајковски, Џиџи Хадид, Наоми Кембел, Адриана Лима и Кендис Свонпул. Дојдоа и други познати личности, да ја поддржат новата визија на брендот, а сите пристигнаа во интересни модни комбинации.