Жизел Бундшен сподели редок и трогателен момент со своите 22,9 милиони следбеници на Инстаграм – ретки фотографии од нејзиниот петмесечен син.

Бразилската манекенка го прослави својот 45-ти роденден, а покрај своето дете, објави и фотографии со своето семејство, направени во природа, опкружени со зеленило и мир. Таа се сети и на својата покојна мајка.

„Не бев често тука во последно време, но сакав да одвојам еден момент да им се заблагодарам на сите за топлите желби за роденден. Толку сум благодарна за уште еден круг околу Сонцето и уште поблагодарна што го поминав во природа, опкружена со љубов и моето семејство. Денес е и роденден на мајка ми. Многу ни недостига, но знаеме дека е секогаш со нас. Продолжувам да верувам и да го дочекувам животот со отворено срце, благодарна за сè што допрва доаѓа. Испраќам љубов на сите“, напиша таа во описот на објавата.

 

View this post on Instagram

 

A post shared by Gisele Bündchen (@gisele)

Да спотсетиме, Жизел го роди своето трето дете во февруари оваа година. Ова е нејзиното прво дете со партнерот Хоаким Валенте, а има две деца од бракот со поранешниот американски фудбалер,Том Брејди. Двајцата се разведоа во 2022 година по 13 години брак.