ФОТО | Здравко Чолиќ фотографиран во авион, пие вино во 7 часот наутро
Здравко Чолиќ привлекува внимание каде и да се појави во регионот, а неодамна беше фотографиран за време на раниот утрински лет. На социјалните мрежи се споделува фотографија од пејачот, а во центарот на вниманието е пијалакот кој го избрал во седум часот наутро.
На социјалните мрежи се споделува фотографија на која се гледа Чолиќ, а пред него стои мало шише вино.
„Здравко Чолиќ е фотографиран во авион. Еве што пие во седум часот“, се наведува во описот на фотграфијата која на Инстаграм ја објави Srbija Showbizz, а токму изборот на пијалок на регионалната ѕвезда предизвика бројни коментари.
„Па добро, така се чувствувал во моментот. Сите ние сме понекогаш Здравко“, вели еден корисник на социјалните мрежи, осврнувајќи се на фотографијата.
Додека едни сметаа дека неговиот избор на пијалок не треба да биде тема на разговор, други најдоа повод за шеги и напишаа: „Нема ракија, го сменил пијалакот“, „Дали е точно седум часот?“.