Марк Закерберг објави фотографија на Инстаграм со бремената сопруга Присила со која го очекува третото дете.

„Среќна Нова година! За сите авантури и љубови што доаѓаат во 2023“, напиша 38-годишниот основач на „Фејсбук“ и „Мета“, кој со сопругата Присила Чен веќе има две деца, седумгодишната ќерка Максима, родена во декември 2015 година и петгодишниот Август, роден во август 2017 година. На фотографијата објавена на 1 јануари, Закерберг е облечен во смокинг и едната рака ја држи на трудничкиот стомак на неговата сопруга.

 

View this post on Instagram

 

A post shared by Mark Zuckerberg (@zuck)

Парот веќе го објави доаѓањето на третото дете, а Закерберг изјави дека му е мило што Макс и Август следната година ќе добијат сестра.

Закерберг и неговата сопруга, 37-годишна филантропка и поранешна педијатарка, се запознале во 2003 година, во ред за тоалет, додека двајцата сè уште биле студенти на Харвард. Набрзо почнале да излегуваат и се венчале девет години подоцна, во 2012 година, на интимна церемонија во нивниот двор.

 

View this post on Instagram

 

A post shared by Mark Zuckerberg (@zuck)

По раѓањето на првата ќерка, двојката преку отворено писмо објави дека најголемиот дел од парите ќе ги дадат во добротворни цели, а не на своите деца. Закерберг и Чен заеднички ја покренаа Чен Закерберг иницијатива, организација посветена на „персонализирано учење, лекување болести, поврзување луѓе и градење силни заедници“, и рекоа дека 99 отсто од нивните акции на „Фејсбук“ ќе вложат во таа цел.

Богатството на основачот на Фејсбук надмина 100 милијарди долари

Марк Закерберг и Бил Гејтс ќе дадат 25 милиони долари за борбата против коронавирусот