Спец-касата во безбедните служби е за посебни намени во оперативните работи. Она што е интересно е фактот што во ниту една безбедносна разузнавачка служба нема комплетен отчет за начинот на трошењето и полнењето на тие фондови, но најчесто полнењето доаѓа од буџетските средства. Од партнерите од кои ги слушавме поуките при реформскиот процес, е тоа дека не може да нема финансиска контрола од страна на парламентот и други институции на тие средства за посебни намени, што не било случај со СПЕЦ касата, иако тие средства подлежеле на завршната сметка и ревизија на МВР, изјави за Утрински брифинг проф. д-р Фросина Ременски, член на извршниот и централниот одбор на СДСМ.

-Образложението при судскиот процес е дека директорот и министерот немаат никаква одговорност во смисла на финансиското работење и контрола, што е малку надвор од логиката. Во овој случај не можеме да зборуваме само за оштета на буџет, туку можеме да збориме за оперативно работење на самата Управа, дотолку повеќе што во тој период за Спец касата биле трошење средствата за намени кои немаат врска со нивната намена. Замислете, угостителски објекти ќариле околу 400.000 евра за тие десетина години, вели Ременски.

-Се сомневам дека најголемите заташкувања и прогледувања низ прсти се направени во Внатрешната контрола во МВР пред предметот да биде испратен во ЈО. Неистражените оперативни злоупотреби на самата Управа ги даваат одговорите на прашањата за што се се плаќало. Ако дојдете до податокот дека осум оперативни акции кои почнуваат со оперативно истражување, обработка, за да дојде до оперативна акција има скалила и хиерархија, а се заведени со лажни податоци на лица кои што не знаеле дека нивното име било употребено во заведување на таква оперативна акција. Таму како потписници мора да се јават директорот како предлагач и министерот кој го донесува решението за таа оперативна акција.

Сега таму го имате Тони Јакимовски кој што административно не можел да биде согласен и тој одговара за тоа, но на тие кои што донеле такви решенија, а знаеле дека се лажни ги нема во предметот, вели Ременски.

Што е работено зад незаведените акции на УБК, за што се исплаќано со значителни суми на финансиски средства од „спец-касата на УБК“? Која е одговорноста на лицето/лицата кои лажно заведувале, воделе и дерегистрирале оперативни акции на УБК без знаење, одобрување и потпис на предлагачите и соодветната организациска единица, погледнете во видеото од разговорот со проф. д-р Фросина Ременски.