Џенифер Лопез (56) повторно привлече внимание на социјалните мрежи откако на Инстаграм објави неколку фотографии од нејзината теретана. 56-годишната пејачка и актерка позираше во бордо спортски комплет составен од краток топ со долги ракави и хеланки во иста боја, кој ја истакна нејзината совршено обликувана фигура.

На трите фотографии, направени со мобилен телефон во модерно уредена домашна теретана, Лопез позира пред огледало со минимална шминка и без филтри. Во описот кратко порача: „Нека биде едноставно.“

Објавата предизвика бројни реакции, а во коментарите следуваа и пофалби и критики. „Точно така. Големата Џени од блокот, а не мала верзија“, напиша една корисничка. Друга ја бранеше од негативните коментари: „Колку и да ја мразат некои, никогаш нема да ја видите скршена, запуштена или безволна.“

„Прекрасна“, „Супер си“, „Кралица“ – беа само дел од позитивните коментари. Но, имаше и такви кои сметаа дека премногу се труди да го задржи младешкиот изглед. „Толку се труди да изгледа како да има 23 години“, гласеше еден коментар.

Некои посебно се осврнаа и на нејзините години. „Близу 60, ахаха“, напиша еден корисник, по што други корисници веднаш застанаа во нејзина одбрана и го обвинија за негативниот коментар поради годините.