ФОТО | „Тој е толку приземен“: Поранешниот член на „Уан Дајрекшн“ летува во Хрватска
Британската музичка група „Уан дајрекшн“ беше најголема тинејџерска сензација пред десетина години, а денес нејзините поранешни членови имаат успешни солистички кариери.
Еден од нив е и Најл Хоран, кој периодов летувал на Хвар, хрватски остров кој неодамна беше сместен меѓу најубавите острови во светот.
Оваа вест ја сподели хрватската тиктокерка Петра, која објавува под псевдонимот Гранчичи, и раскажа како популарниот музичар го посетил нејзиниот ресторан „Дон Кихот“.
Таа потенцираше дека Хоран ја воодушевил со неговата скромност и приземност, но не сподели кога точно се случила неговата посета.
„Минатата недела ми соопштија дека во ресторанот ќе пристигне една позната личност. Не ми кажаа која, само побараа маса со малку поголема приватност. Таа вечер беше навистина прекрасна, со прекрасно зајдисонце, а на крајот испадна дека станува збор за Најл Хоран од ‘Уан дајрекшн’. Момчето е толку симпатично, скромно, приземно и навистина сите се воодушевивме“, раскажа Петра во своето видео.
„Молам?“, „Јас би умрела“, „Толку блиску, а толку далеку“, се дел од коментарите на разочараните хрватски обожаватели, кои ја пропуштиле можноста да ја запознаат својата омилена ѕвезда.
@granchichi Jeste li ikada upoznali celebrity osobu? #fyp #foryoupage #viral #hvarisland #hvarcroatia ♬ original sound – Petra 🤍
ВИДЕО | Зејн Малик ги откри причините за разделбата на „Уан дајрекшн“: Ни се смачи еден од друг