Тајландската зоолошка градина „Као Кјео“ го одбележува вториот роденден на џуџестиот нилски коњ Му Денг од 10 до 12 јули со низа активности за обожавателите, бесплатен влез за деца и постари лица, како и отворање на изложба во рамките на проектот „Село на нилски коњи“.

Отворената зоолошка градина во покраината Чонбури ќе одржи настан во чест животно, кое стана глобална сензација во 2024 година, пишува „Нешнал Тајланд“.

Името на женката нилски коњ, стана познато далеку надвор од границите на Тајланд и помогна зоолошката градина „Као Кјео“ да стане задолжителна дестинација за локалните и странските туристи.

На врвот на „треската“ на Му Денг, посетителите се собраа во градината за да ја видат во живо, додека брендовите и обожавателите ја користеа нејзината слика преку пантомимики, сувенири и содржини креирани од обожаватели на интернет.

Интересот беше толку голем што раководството на зоолошката градина мораше да ги регулира датумите на посети и протокот на луѓе за да го заштити животното и да го одржи редот околу неговиот простор.

Како што Му Денг ја надмина фазата на младенче, бранот на внимание на социјалните медиуми постепено се намалуваше од својот вирален врв. Сепак, прославата на нејзиниот втор роденден е наменета како можност да ги врати обожавателите во Чонбури и да ја поврзе популарноста на Му Денг со едукација за дивиот свет, семеен туризам и благосостојба на животните.

На нејзиниот роденден, 10 јули, посетителите заедно отпеаја роденденска песна и ѝ подарија посебна роденденска торта на џуџестата убавица.

Зоолошката градина наведува дека активностите се смислени да создадат топла и семејна атмосфера, но исто така им овозможуваат на посетителите да дознаат повеќе за секојдневната работа на чуварите на животни и грижата за џуџестите нилски коњи.

За време на тридневниот настан, посетителите ќе можат да уживаат во разни активности, вклучувајќи парада на маскоти од диви животни, тезги со игри и награди, работилница за пишување роденденски честитки за Му Денг, како и продажба на ексклузивни сувенири со нејзиниот лик.

Зоолошката градина се надева дека фестивалот ќе ги охрабри семејствата, туристите и обожавателите да поминуваат повеќе време во Чонбури, поддржувајќи ги локалните производители и образовните програми организирани од зоолошката градина.

Од 10 до 12 јули, отворената зоолошка градина „Као Кјео“ ќе обезбеди бесплатен влез за деца до 12 години, односно за сите деца пониски од 135 сантиметри, како и за посетители над 60 години.

ВИДЕО: Кози мирно брстат жива ограда на „Илинденска“ во Скопје