Актерот Вил Смит (55) и неговата сопруга Џејда Пинкет Смит (52) го собраа целото семејство за еден од омилените американски празници – Денот на благодарноста.

Оскаровецот и водителката на емисијата „Red Table Talk“ позирале заедно, а на фотографијата која ја споделија на социјалните медиуми делуваат прилично среќно и заљубено.

На останатите семејни фотографии се и нивните две заеднички деца, синот Џејден (25) и ќерката Вилоу (23), но и синот на Вил Смит од претходниот брак со Шери Зампино – Треј Смит (31).

„Совршен Ден на благодарноста. Се надевам дека и вашиот беше таков“, напиша Џејда Смит во описот на фотографиите, обраќајќи им се на своите следбеници на Инстаграм.

Новите семејни фотографии на Смит доаѓаат две недели откако поранешниот личен асистент на Вил Смит, Брадр Билал, изјави дека, во една прилика, го затекнал Вил Смит како има секс со актерот Дуан Мартин.

„Ја отворив вратата од соблекувалната на Дуан и тогаш ги најдов како имаат анален секс“, изјави Билал неодамна во едно интервју.

Откако приказната се прошири, Смит се огласи преку портпарол и ја нарече приказната „целосна измислица“. Тој најави и тужба.

ВИДЕО | Ги фатиле на дело: Вил Смит обвинет дека имал секс со познат колега од „Принцот од Бел Ер“