Дали некогаш сте се запрашале како точно изгледаат врвовите на египетските пирамиди одблиску? Неколку фасцинантни фотографии, објавени од платформата „Пјубити„ (Pubity), ни овозможуваат ретка и уникатна перспектива која ги остави љубителите на историјата без здив. Станува збор за спектакуларен кадар од самиот врв на пирамидата на Хафре (Khafre).

Овие фотографии откриваат една клучна тајна која често им бега на посетителите кои ги гледаат пирамидите од земја, тие во минатото изгледале многу поразлично.

Пирамидата на Хафре, втората по големина на платото Гиза, е единствената која ја задржала својата оригинална, мазна варовничка обвивка на самиот врв. Овие фотографиии од птичја перспектива јасно ја покажуваат разликата помеѓу овој зачуван дел и грубите камени блокови подолу.

Во античко време, целата површина на сите пирамиди била прекриена со ваков полиран варовник. Можете ли да замислите како изгледале овие гигантски градби кога биле нови, блескајќи под египетското сонце како совршени, мазни геометриски тела?

Клучни факти за пирамидата на Хафре

– Кој ја изградил? – Била изградена за фараонот Хафре од 4-тата династија.
– Илузија на висина – Иако е технички малку помала од нејзината посестра, Големата пирамида (Кеопсовата), пирамидата на Хафре стои на повисок терен и има поостри агли. Поради ова, таа често изгледа повисоко од Големата пирамида, што е една од најпознатите оптички илузии на платото Гиза.

– Светското наследство – Целиот овој комплекс, кој ги вклучува и Храмот на долината на Хафрен (Valley Temple of Khafre) и Големата Сфинга (која исто така е поврзана со владеењето на Хафре), е под заштита на УНЕСКО.

За жал, најголемиот дел од мазната обвивка на другите пирамиди е одземен во текот на вековите и користен за изградба на џамии и палати во Каиро, оставајќи го само врвот на Хафре како доказ за нивната оригинална слава.