Слон во потрага по храна упаднал во ресторан во близина на Националниот парк Као Јаи, во областа Пак Чонг во Тајланд, пренесуваат локалните медиуми.

Животното, кое локалните жители го познаваат под името Бианг Лек, во средата наутро се појавило во ресторанот Пенлаос околу четири часот наутро за да пронајде нешто за јадење, објави весникот „Бангкок Пост“. Ресторанот е познат по тоа што има препорака „Биб Гурман“ од Мишелин, што се доделува на места со квалитетна храна по пристапни цени.

Се чини дека Бианг Лек често излегува надвор од границите на националниот парк во потрага по храна, но ова е првпат да „посети“ ресторан со толку добра гастрономска репутација.

Жителите од околината коментираат дека слонот веројатно веќе се навикнал на храната што ја консумираат луѓето.