ФОТО: Си замина еден од најголемите на сите времиња: Ова се познати, но и непознати детали од животот на Диего Марадона
Диего Армандо Марадона за многумина беше и ќе остане најголемиот фудбалер на сите времиња.
Стрелец е на голот на векот, но и на „божјата рака“ и тоа на еден натпревар, против Англија на Светкото првенство 1986 година.
Ова е се најзанчајните моменти од неговиот фудбалски живот.
– Целосното име му е Диего Армандо Марадона Франко.
– Роден на 30. октомври 1960 година во местот Виља Фиорисио. Беа осум браќа и сестри.
– Првата фудбалска топка ја добива од својот вујко на третиот роденден. Оттогаш спиеше со топката и сонуваше дека ќе стане најдобриот фудбалер на сите времиња.
– Прекарот му е „El Pibe de Oro“ – или во превод Златното момче.
– На осум години прв пат бил забележан од ловците на таленти.
– На 12 години бил собирач на топки и на полувремињата ги забавувал навивачите со своето жонглирање.
– Потпиша за Бока Јуниорс во 1981 година и истата година ја освои титулата во аргентинскиот шампионат. Тоа е единствениот клупски трофеј кој Марадона го освоил во родната земја.
– Една година подоцна, во својата 21. година потпиша за Барселона за тогаш рекорден трансфер од 7.6 милиони долари.
– Во 1983 година на натпреварот против Реал Мадрид, Диего Марадона го постигна победничкиот гол и стана првиот фудбалер на Барселона на кого му аплаудирале навивачите на „кралскиот“ клуб.
– Играше за Наполи од 1984 до 1991 година каде имаше статус на вистинско божество. Дресот со бројот 10 по неговото заминување е повлечен од употреба во негова чест.
– На Светското првенство 1986 година во Мексико, против Аргентина го постигна најконтроверзниот гол во историјата на фудбалот, „божјата рака“.
– Вториот гол кој го постигна против Англија на тој натпревар која ја помина речиси целата противничка репрезентација е прогласен за гол на векот.
– Во кариерата одигра 680 натпревари и постигна 345 гола.
– Заработи суспензија од 15 месеци поради користење кокаин.
– Заедно со Бразилецот Пеле се прогласени за најдобри фудбалери на 20. век.
– Првиот пат се ожени 1989 година со Клаудија Вијафане со која има две ќерки. Свадбата беше спектакуларна со 1.200 гости кои ги забавуваше оркестар од 80 музичари. Младенците на венчавката пристигнаа со Ролс Ројс Фантон за кого се веруваше дека му припаѓал на озлогласениот нацист Јозеф Гебелс. Диего и Клаудија се разведоа 2004 година.
– Во Аргентина но и неколку други земји постојат црвки со името Марадона.
– За Марадона се испеани најмалку 10 песни.
ВИДЕО: Денот кога Марадона танцуваше со топката на загревање