Американската манекенка Криси Тиген (34) беше фотографирана на улиците на Беверли Хилс во дневен изглед, но притоа носеше многу интересен накит на челото.

Имено, сопругата на музичарот Џон Леџенд (41) не дозволува пандемијата на коронавирусот да ја спречи да изгледа модерно и стилизирано.

Папараците ја фатија Криси облечена во кафеав плетен џемпер облечен преку бел фустан од тантела, а целата комбинација успешно ја надополни со кафени кожни чизми со висина над нејзините колена.

Фризурата и беше со плетенки, а притоа носеше и црна заштитна маска и се обидуваше да ја задржи физичката дистанца од другите луѓе.

Само еден детаљ на сите им привлече внимание, а тоа е накитот – цирконот на нејзиното чело кој многу потсетува на дизниевата принцеза Јасмин.

Манекенката го загуби своето бебе пред три месеци, а по големата загуба на нејзиното тело сеуште се познава нејзиниот стомак од бременоста.

Таа на својот инстаграм – профил објави фотографија на која позира во тесен, долг фустан, така што јасно се гледа нејзиниот испакнат стомак.

Манекенката истакна дека е тажна и дека е фрустрирана што сè уште има стомак како да е бремена, но и истакна дека нејзините деца ја прават среќна и ѝ даваат сила по големата загуба.

– Ова е моето тело и јас Иако не сум бремена, секој поглед во огледало ме потсетува на тоа што можеше да биде. Не знам зошто сè уште имам стомак. Тажна сум, тоа ме фрустрира, напиша тогаш моделот.