ФОТО | Потона јахтата на која принцезата Дијана го помина своето последно лето со Доди Фајед
Јахтата на која Дијана, принцезата од Велс, поминала дел од своето последно лето, потона во Медитеранот.
Се претпоставува дека јахтата „Куџо“ (Cujo), некогашна сопственост на Доди ал Фајед, била продупчена откако удрила во неидентификуван предмет во близина на Болие-сир-Мер на француската ривиера.
Седум лица на бродот биле евакуирани со гумени чамци на надувување, но јахтата потонала и завршила на длабочина од најмалку 2.430 метри, и покрај обидите за спасување, пишува магазинот „Тајм“.
Последниот сопственик на јахтата бил Италијанец со куќа на францускиот брег. Во моментот кога несреќата се случила, тој се обидел и не успеал да ја испумпа водата, јавуваат француските медиуми. Втор обид бил направен со влечење, но безуспешно.
The 20m Baglietto yacht Cujo has reportedly been “lost” at sea after an incident in Corsica…
Find out more here.https://t.co/5OYw4BT5PI
— Boat International (@boatint) August 2, 2023
„Куџо“ се најде на насловните страници во летото 1997 година кога принцезата Дијана беше фотографирана на бродот во друштво на Ал Фајед. Неколку недели подоцна, тие загинаа во сообраќајна несреќа во Париз, кога нивниот автомобил удри во столб во тунелот Алма, додека бегаа од папараците.
Принцезата Дијана тоа лето беше фотографирана и на „Сокар“, јахта која тогаш беше во сопственост на таткото на Доди ал Фајед, Мохамед.
Meet ‘Cujo,’ the 80-Ft. Yacht Dodi Al-Fayed Used to Woo Princess Diana – Robb Report https://t.co/CtFPjoOdE9 pic.twitter.com/dNXSjZH8bJ
— Susie Blackmon (@SusieBlackmon) June 19, 2021
Јахтата „Куџо“ е изградена во Италија во 1972 година за Џон фон Нојман, бизнисмен кој своето богатство го заработил продавајќи автомобили порше и фолксваген во САД.
Тој рекол дека ја сака најбрзата јахта на светот, а италијанското бродоградилиште „Баљето“ му излегло во пресрет, опремувајќи го со два 18-цилиндрични мотори кои обезбедиле максимална брзина од 40 јазли.
Фон Нојман, по неколку години ја продал на синот на Аднан Кашоги, трговец со оружје, кој подоцна му го продал на Ал Фајед, својот братучед.
ФОТО+ВИДЕО | „Главна“: Принцезата Шарлот го опоменa својот помлад брат Луис и стана вирален хит