ФОТО+ВИДЕО | „Главна“: Принцезата Шарлот го опоменa својот помлад брат Луис и стана вирален хит
За време на поворката кoja тргна кон Бакингемската палата на првиот ден од четиридневното одбележување на платинестиот јубилеј на кралицата Елизабета Втора, целото внимание го украдоа децата на принцот Вилијам и Кејт Мидлтон.
Започна четиридневната прослава: Кралицата Елизабета слави 70 години на британскиот трон
Еден момент особено ги насмеа корисниците на социјалните мрежи, кои коментираат дека со овој гест принцезата Шарлот покажа дека е „главна“ во семејството.
View this post on Instagram
Во неколку наврати јавноста имаше можност да биде сведок на палавото однесување на трите деца на принцот Вилијам и Кејт Мидлтон. Разиграните малечки ја покажаа својата слатка страна и за време на прославата „Trooping the Color“ во Лондон, која се слави од денеска до крајот на викендот во чест на 70-годишнината од крунисувањето на кралицата Елизабета Втора.
Овој пат главниот збор во кочијата во која се возеше заедно со нејзините браќа принцот Џорџ и Луис го имаше седумгодишната принцеза Шарлот, средното дете на војводата од Кембриџ.
View this post on Instagram
Колку внимателно ги слушала инструкциите пред да се појави во јавност и колку е сериозна во изминатите неколку години, Шарлот покажа предупредувајќи го својот помлад брат, принцот Луис, кој беше единствениот што продолжи да мавта кон толпата на улиците во Лондон.
Принцезата Шарлот ги „презеде“ работите во свои раце и без размислување го предупреди три години помладиот Луис. Таа со раката јасно му стави до знаење дека е време да престане да мавта и да биде сериозен.
View this post on Instagram
Целиот настан беше документиран од насобраните Британци на кои овој националниот празник им е исклучително важен и излегоа на улиците на Лондон да ја поздрават својата владетелка со најдолг стаж.
Видеото во кое принцезата Шарлот со рака го опоменува својот помлад брат брзо стана вирален хит на социјалните мрежи.