ФОТО | Последно збогум за Шејн Мекгован: Познати музичари и бројни обожаватели го пееја неговиот божиќен хит
Илјадници луѓе се собраа денес во Даблин за да го испратат Шејн Мекгован, член на легендарната група „Поугс“. Собрани низ улиците на градот ја пееја божиќната песна „Fairytale of New York“ додека погребната кола со телото на починатиот текстописец и пејач поминуваше покрај нив.
Меѓу другите, на последното збогување пристигнаа Џони Деп, Боно, Боб Гелдоф, Ник Кејв, кој пееше и свиреше на клавир во чест на својот колега. Неговата неутешна сопруга Викторија во солзи ја наведна главата над ковчегот, гушкајќи го.
Погребната поворка која се собра на улиците продолжи кон Ненаг, родниот град на неговата мајка Тереза каде пејачот ќе биде погребан.
Повеќе како прослава на неговиот живот отколку како тажна комеморација, толпата млади и стари се придружија на поворката додека бендот „Артан“ со над 50 изведувачи ги пееја неговите песни, вклучувајќи ги „A Rainy Night in Soho“ и „Dirty Old Town“.
Инаку, ирскиот панкер со адреса на живеење во Лондон, ја трансформираше ирската традиционална музика со неговата група „Поугс“.
Ги напиша некои од најубавите балади во 80-тите години на минатиот век, а потоа потона во зависност од алкохол. Шејн почина минатата недела на 65-годишна возраст по долгогодишните проблеми со нарушено здравје.
Почина Шејн Мекгован: Фронтменот на легендарната група „Поугс“