Поп-ѕвездата Лејди Гага се најде пред суд поради наводна кражба на логото на компанија за сурфање.

Имено, калифорниската компанија за сурфање „Лост Интернејшнал“ (Lost International) ја тужеше Лејди Гага, тврдејќи дека го користела нивното лого за да го промовира нејзиниот нов албум „Mayhem“.

Компанијата поднесе тужба до окружниот суд во Калифорнија, тврдејќи дека сликата што Лејди Гага ја користи за нејзиниот албум е „суштински слична, ако не и идентична“ со нивното лого.

 

View this post on Instagram

 

A post shared by …Lost Surfboards (@lostsurfboards)

„Лост Интернејшнал“ тврди дека го користи името „Mayhem“ од 1986 година, како што беше прекарот на нивниот основач, и дека Лејди Гага користела речиси идентично лого на нејзината турнеја, кое тие го користат од 1988 година.

Компанијата тврди дека нејзините постапки би можеле да ги збунат луѓето и дека тоа ќе им наштети на нивниот углед, бидејќи Лејди Гага го користи нивното лого без нивна дозвола.

 

View this post on Instagram

 

A post shared by Lady Gaga (@ladygaga)

Тие наведуваат и дека испратиле барање до тимот на Лејди Гага да прекинат, но биле игнорирани.

Тие сега бараат отштета од 100 милиони долари и правни трошоци.

Адвокатот на Лејди Гага, Орин Снајдер, рече дека тужбата е несериозна и обид да се искористи нејзиниот успех.

„Ова не е ништо друго освен можност да се искористат нејзините успеси и заработка“, додаде тој.