Иранскиот пустиник, кој го доби прекарот „највалканиот човек на светот“ бидејќи не се туширал повеќе од половина век, починал од природна смрт на 94-годишна возраст, објавија државните медиуми, цитирајќи го „Гардијан“.

Новинската агенција Ирна објави дека „Амоу Хаџи“, што е име од милост за постара личност, починал во неделата во селото Дејгах во јужната иранската провинција Фарс.

Амоу Хаџи живеел во колиба покриена со саѓи, а не се капел со вода или со сапун повеќе од 60 години. Мештаните велат дека во младоста доживеал „емоционални неуспеси“ поради кои едноставно одбивал да се капе.

Хаџи јадел месо од животни убиени на патот, пушел луле наполнето со животински измет, а не се миел бидејќи верувал дека „поради чистотата ќе се разболи“.

Меѓутоа, мештаните пред неколку месеци успеале да го наговорат за првпат да се избања. По неговата смрт, нов неофицијален рекорд би можел да наследи Индиец кој исто така не се капел голем дел од својот живот.

Каилаш „Калау“ Синг, кој живее во село надвор од светиот град Варанаси, не се измил повеќе од 30 години, во обид да стави крај на „сите проблеми со кои се соочува неговата нација“.

– Тој наместо вода користи „огнена бања“. Секоја вечер додека се собираат селаните пали оган, пуши марихуана и стои нозе молејќи се на богот Шива. Тој еднаш рече тоа е како да користите вода за капење, „огнената бања“ помага да се убијат сите бактерии и инфекции во телото – објави во 2009 година „Хиндустан тајмс“.