ФОТО: По стандардите на УЕФА, се поставуваат рефлектори на тренинг центарот „Петар Милошевски“
Како што објавија од Фудбалската федерација на Македонија, се поставуваат рефлектори на тренинг центарот „Петар Милошевски“.
Овие рефлектори за осветлување се по стандардите на Европската фудбалска унија (УЕФА) на главниот терен од тренинг центарот на ФФМ.
Со овој потег се очекува и во иднина да се организираат натпревари на клупско и репрезентативно ниво.
Овој период нашата земја е домаќин на квалификацискиот турнир (прва рунда) за пласман во следната елитна фаза квалификации за Европското првенство во Унгарија 2023.
Токму на тренинг центарот „Петар Милошевски“ младата репрезентација на Македонија до 17 години ги игра натпреварите. Потсетување дека на стартот избраниците на селекторот Вујадин Станојковиќ загубија убедливо од Исланд со 0:3. Вториот меч ќе го играат на 28 октомври од 14.00 часот против Франција, а во последното коло на 31 октомври во истиот термин ривал ни е Луксембург.