Рускиот претседател Владимир Путин помина неколку дена на одмор во Сибир, каде што повеќе од времето го поминал со риболов, објави денеска Кремљ.  

Според Ројтерс, Путин бил во кратка самоизолација, откако неколку лица од неговиот потесен круг биле позитивни на ковид.  

Кремљ објави 20 фотографии на кои Путин лови риби, шета по ливади и разговара со министерот за одбрана Сергеј Шојгу, неговиот вообичаен придружник за одмор. 

Кон средината на септември, рускиот претседател рече дека ќе мора да помине „неколку дена“ во самоизолација, откако десетици луѓе во неговата околина се заразиле со коронавирусот.  

Поради самоизолацијата, Путин мораше да го откаже патувањето во Таџикистан, на кое требаше да присуствува на безбедносниот самит.  

Претседателот Путин прими две дози од руската вакцина Спутник В, а Кремљ рече дека тој се чувствува добро и здраво. 

Путин оди во самоизолација поради заразено лице во неговото опкружување