ФОТО | Петар Грашо насмеан од уши до уши на венчавката со Хана: Се чувствувам како вистински маж!

Петар Грашо и Хана Хуљиќ/венчавка/Инстаграм
Петар Грашо и Хана Хуљиќ/венчавка/Инстаграм

Хрватскиот пејач Петар Грашо и неговата сакана Хана Хуљиќ го кажаа судбоносното „да“ во сплитската црква Св. Доминик – парот се заколна на вечна љубов пред членовите од најблиското семејство, како и кумовите. Иако свадбата беше планирана во тајност, сепак се појавија бројни фотографии и видеа.

„Венчавка на годината“: Хана и Грашо денеска ќе застанат пред олтарот во Сплит – Слободен печат (slobodenpecat.mk)

На церемонијата присуствувале родителите на Хана, Тончи и Вјекослава Хуљиќ, нејзиниот брат Иван, сестрата на Петар, уште неколку членови од најблискиото семејство, како и кумовите на Грашо и неговите најблиски пријатели.

По излегувањето од церемонијата, на прашањето од новинарите како се чувствува, Петар гордо одговорил:„ Се чувствувам како маж“

Невестата заблеска во венчаница од сплитскиот моден бренд Arileo, надополнета со ракавици и елегантен кралски детаљ во косата, а Петар повторно ја покажа својата елеганција во темно одело со пеперушка на вратот.

Хрватските медиуми пишуваат дека свадбата до последен момент се одвивала во тајност и не се знаела локацијата на венчавката, со цел да не бидат следени од папараци, но тие моментално се во центарот на вниманието, па ги фотографирале дури и случајни минувачи.

Петар Грашо и Хана Хуљиќ/венчавка/Инстаграм
Петар Грашо и Хана Хуљиќ/венчавка/Инстаграм

Среќниот пар е во исчекување на своето прво дете ова лето, а наводно најавиле дека по раѓањето на бебето, ќе направат голема свадбена прослава во Сплит.

ВИДЕО | Петар Грашо си ја отвори душата: Ова ќе биде прекрасна година, подготвен сум да бидам татко – Слободен печат (slobodenpecat.mk)

Видео на денот