ФОТО | Пар од Англија прослави 81 година заеднички живот: Ја открија тајната на долгиот и среќен брак
Еден стогодишен пар од Англија прослави 81 година заеднички живот. Љубовната приказна на Дороти Волтер (103) и Тим Волтер (102) започнала во Саутемптон за време на Втората светска војна, кога тие имале само 18 години и работеле во фабрика за изработка на воени авиони, пишува „Би-би-си“.
Препорачано
Двојката, која сега живее заедно во дом за грижа и нега на стари лица во Вингам, Кент, се венчала на 21 година. Тие открија дека тајната на нивниот долг и успешен брак е тоа што никогаш не се расправаат, иако признале дека понекогаш имале различно мислење.
„Не можеме да веруваме дека се 81 година“, вели Тим Волтер.
„Се согласуваме, разговараме, никогаш не се расправаме“, вели Дороти.
По војната, двојката се преселила во Елмстоун и таму поминале 32 години како фармери. Тие исто така уживале во патувањата низ Европа со брод.
Во својот дом живееле до својата 101-годишна возраст, пред конечно да се преселат во домот за грижа и нега за стари лица во 2022 година. Тим и Дороти имаат две ќерки, два внуци и три правнуци.
