Необично дигитално изненадување ги воодушеви корисниците на Гугл ширум светот, откако пребарувањето на фразата „Панч мајмунот“ (Punch the monkey) накратко ја претвори почетната страница во анимација со шарени срца.

Наместо вообичаени резултати, екранот се исполнува со светли, графити-стилизирани срца и симболични икони, во чест на најновата интернет-сензација – седуммесечното јапонско макаки мајмунче Панч.

Малото мајмунче е родено во јули 2025 година во зоолошката градина во Ичикава, но веднаш по раѓањето било напуштено од мајката. Посетител на зоолошката градина ја забележал ситуацијата и ги алармирал вработените. Бидејќи младенчињата од овој вид природно се држат цврсто за мајките во првите месеци од животот, негувателите морале итно да интервенираат за да му обезбедат чувство на сигурност.

По неколку обиди со различни предмети за утеха, тимот се одлучил за плишана играчка во форма на орангутан, која Панч оттогаш постојано ја носи со себе. Токму трогателните снимки од мајмунчето што ја прегрнува и влече својата омилена играчка, иако е поголема од него, предизвикаа лавина реакции на социјалните мрежи и милиони споделувања.

ВИДЕО | Трогателна приказна од Јапонија: Мајмунче си најде утеха во плишена играчка откако мајка му го напушти