Шестмесечно мајмунче од Јапонија, кое било напуштено од мајка си веднаш по раѓањето, стана неочекувана интернет-сензација благодарение на својата необична, но трогателна врска со плишена играчка.

Малото мајмунче од родот макаки и по име Панч е родено во јули минатата година, но мајка му го оттурнала веднаш по породувањето. Оттогаш за него се грижат вработените во Зоолошката градина во Ичикава, кои рачно го хранат и внимателно го следат неговиот развој.

Бидејќи младите мајмуми макаки од моментот на раѓање инстинктивно се држат цврсто за својата мајка, персоналот морал да интервенира и да му понуди предмет што ќе му обезбеди чувство на сигурност. Панч сам го избрал своето „друштво“ – портокалова плишена орангутанка, која за кратко време станала негов нераздвоен придружник.

I can’t tell you how many videos I’ve seen of this little guy and his new best friend 🥹

📍 Ichikawa City Zoo and Botanical Gardens, Japanpic.twitter.com/FHkjvuVAAR

— Volcaholic 🌋 (@volcaholic1) February 13, 2026

Фотографиите на кои мајмунчето ја гушка, ја носи со себе и спие врз играчката брзо се проширија на социјалните мрежи. Во Јапонија почна да се користи и хаштагот „Издржи Панч“, преку кој корисниците испраќаат пораки на поддршка.

„Плишената играчка му беше замена за мајка“, изјавил Косукe Шикано за јапонскиот весник „Маиничи Шимбун“.

Во меѓувреме, Панч постепено е запознаен со останатите мајмуни во зоолошката градина, но сè уште го хранат чуварите за да може правилно да расте. Кога другите макаки ќе го оттурнат или „искараат“, тој повторно ѝ се враќа на својата плишена орангутанка, која му служи како утеха.

This little guy and his new best friend.

After his mother rejected him, the keepers hand raised him, always holding the doll they gave him as a stand in mom.

His name is Punch.

[📍 Ichikawa City Zoo and Botanical Gardens, Japan] pic.twitter.com/HdHDL9sc0I

— Favorite videos (@OMG_HDX) February 14, 2026

Според Шикано, и покрај тешкиот почеток, малото мајмунче покажува завидна психичка издржливост.

„Дури и кога ќе биде искарано од другите мајмуни, брзо се прибира. Ментално е силен“, додал тој.

Сличен случај претходно бил забележан и со друго мајмунче по име Монгкуд, кое било трауматизирано откако сведочело на убиството на своето семејство. Тоа било спасено од организацијата „Фондација за пријатели на дивиот свет – Тајланд“ и згрижено во нивниот центар, каде што исто така нашло утеха во плишена играчка, користејќи ја како емоционална поддршка.