ФОТО | Православни се: Овие холивудски ѕвезди денеска слават Велигден
Холивудскиот актер Том Хенкс и неговата сопруга Рита Вилсон пред неколку години станаа државјани на Грција, со што се пофалија на социјалните мрежи, а малку е познато дека Рита има грчко потекло, а актерот поради неа ја прифатил православната вера.
Ова секако не е изолиран случај меѓу холивудските и светските ѕвезди. Всушност, многу светски ѕвезди се од православна вероисповед. Некои се родени во православно семејство, а некои доброволно преминале во православна вера.
Том Хенкс
Кога се оженил со колешката Рита Вилсон, Хенкс решил да стане православен. Таткото на Рита е од Бугарија, додека нејзината мајка е Гркинка, по потекло од Албанија.
„Мислам дека православието е моето духовно наследство. Се оженив во истата црква каде што беше крстена мојата сопруга и каде што беа крстени нашите деца“, изјавил во една прилика Том.
Џејмс Белуши
Џејмс Адам Белуши е роден во Чикаго, а неговите родители емигрирале од албанско село недалеку од границата со Грција. Џејмс е припадник на Албанската православна црква и е горд на своите корени.
Инаку, актерот редовно ја посетувал Српската православна црква во Лос Анџелес со своето семејство во текот на 1980-тите, пред да ја поддржи независноста на Косово кон крајот на 1990-тите.
Џенифер Анистон
Актерката Џенифер Анистон го наследила православното христијанство од нејзиниот татко Џон Анистон. Таткото на Џенифер е роден како Јанис Анастасакис на Крит. Актерката давала и многу добротворни донации на црквата под покровителство на Вселенската патријаршија.
Наоми Кемпбел
Манекенката Наоми Кемпбел станала православен верник во руската православна црква додека била во врска со рускиот тајкун Владислав Доронин.
Ким Кардашијан
Ријалити ѕвездата Ким Кардашијан е родена во Лос Анџелес, но има ерменско потекло, четврта генерација емигранти од Ерменија од страна на татко и, а нејзините предци живееле на територијата на која се наоѓа денешна Турција. Ким неколкупати досега ги честитала православните празници преку социјалните мрежи.
Д’ Викенд
Познатиот пејач Д’ Викенд го одгледале мајката и бабата откако неговите родители се развеле. А, во една прилика истакнал дека како дете често одел со баба му на богослужби во етиопската православна црква Тевахедо.
Мила Јововиќ
Милица Богдановна Јововиќ е родена во Киев, од мајка Галина Логинова, поранешна руска актерка и Богдан Јововиќ, српски лекар. Мила и својата ќерка ја крстила во Руската православна црква во Лос Анџелес.
Џон Стамос
Американски актер има грчко потекло. Тој е познат по улогата на Џеси во ТВ серијата „Full House“.
Холивуд и денес го слави Божиќ: Светски sвезди кои се православни
