Олимписката шампионка во танцување на мраз, Татјана Навка, објави ретки фотографии со својот сопруг, Дмитриј Песков, портпарол на претседателот на Руската Федерација, Владимир Путин.

Вљубената двојка објавила серија романтични фотографии направени во фотостудио. Татјана е фотографирана во нежната прегратка на својот сопруг.

„Иако 14 февруари не се смета за руски празник, верувам дека овој ден на љубовта треба да се слави што е можно почесто, а идеално, секој ден. Децата се раѓаат од љубов, а со љубов можете да надминете и да постигнете сè на овој свет! Грижете се еден за друг, ценете го и заштитете го она што е светло и вечно за вас. Љубовта владее со светот“, напиша познатата Русинка.

Нејзиниот брак со Дмитриј Песков е втор за Татјана Навка. Од 2000 до 2010 година, лизгачката беше во брак со својот тренер, светскиот шампион во танцување на мраз Александар Жулин. Тие ја добија ќерката Александра, која стана пејачка и настапува под сценското име Алекса.

Навка го запозна Песков по разводот од Жулин во 2010 година, на роденденската забава на заеднички пријател. Во 2014 година, двојката ја добија ќерката, Надежда.

Татјана и Дмитриј официјално се венчаа во 2015 година. Татјана го прослави својот 50-ти роденден минатата година, а Владимир Путин ѝ го честиташе. 

Татјана е повеќекратна светска и европска шампионка, а исто така и олимписка шампионка од 2006 година.

Ќерката на Песков живее луксузен живот и покрај санкциите

Песков: Ни Русија ни САД нема да разговараат со Калас, ќе почекаме да си оди