Новак Ѓоковиќ по освојувањето на титулата на Олимписките игри во Париз, моментот на доделување на златниот медал го дочека со насмевка на лицето.

Српскиот тенисер во спектакуларен меч беше подобар од Карлос Алкараз (Шпанија) и со 7:6, 7:6 стигна до првото злато во кариерата на Олимписките игри.

На крајот од мечот, на победничкиот подиум им се придружи и Лоренцо Музети од Италија, кој го победи Канаѓанецот Феликс Оже-Алијасим со 6:4, 1:6, 6:3.

Откако Ѓоковиќ го имаше златниот олимписки медал околу вратот, следуваше моментот кој го чекаше цела кариера, кога од највисокото скалило на победничкиот подиум на Олимписките игри ја слушаше химната на Србија.

Ѓоковиќ не можеше да ги задржи солзите по мечот, го прослави овој голем успех со најблиските и тимот.