Ѓоковиќ го освои златниот медал во Париз: Олимписки шампион за круна на блескавата кариера
Олимписко финале за паметење и историско злато за најдобриот тенисер на сите времиња, Новак Ѓоковиќ.
Српскиот тенисер Новак Ѓоковиќ е новиот олимписки шампион. Ноле го освои првото олимписко злато во својата неверојатна кариера денеска во спектакуларно финале во Париз против шпанскиот тенисер Карлос Алкараз, по помалку од три часа борба.
Ѓоковиќ победи со 2:0, во сетови 7:6 (7:3) и 7:6 (7:2) и со тоа го освои олимпиското злато во доцните играчки години, што му избега на претходните четири олимписки турнири.
Djokovic has won it all 🥇#Tennis pic.twitter.com/q6P6i9tdgd
— Roland-Garros (@rolandgarros) August 4, 2024
Ѓоковиќ во тајбрејкот од првиот сет успеа да го скрши отпорот на Алкараз, кој во текот на првиот дел имаше дури осум брејк топки, но не искористи ниту една.
Особено впечатлив беше деветиот гем, при резултат 4-4, во кој Ѓоковиќ спаси сè што можеше да се спаси, кога одбрани дури пет брејк топки.
🥇 DJOKOVIC ACHIEVES THE OLYMPICS DREAM 🥇@DjokerNole defeats Alcaraz 7-6 7-6 to win the #Olympics Singles Gold Medal!!#Paris2024 #Tennis pic.twitter.com/gludd8sz4E
— Tennis TV (@TennisTV) August 4, 2024
Тенисот со врвен квалитет продолжи до крајот, Ѓоковиќ покажа повеќе во тајбрејкот кој го доби со 7-3. Слично беше и во вториот сет, во тај-брејкот Ѓоковиќ повторно беше подобар овојпат со 7-2.
Ова воедно е втор златен медал за Србија на актуелните Олимписки игри во Париз, претходно со злато се закитија стрелците Зорана Аруновиќ и Дамир Микец во мешани двојки.
