Актерската екипа на „Mision: Impossible 7“ се појави во италијанската престолнина во понеделникот вечерта за светската премиера на долгоочекуваното ново продолжение на франшизата.

Водечката ѕвезда Том Круз како и секогаш изгледаше неприкосновено во син костум додека се фотографираше со своите колешки на познатите Шпански скали во Рим, кои за таа прилика беа украсени со црвен тепих.

Том не можеше да ја сокрие насмевката додека позираше со своите водечки дами на италијанската премиера.

Хејли Атвел, која ја толкува улогата на Грејс во новиот филм насловен „Dead Reckoning Part One“, се појави на црвениот тепих во црн фустан со длабок отвор на грбот и блескави сребрени детали.

Ванеса Кирби, која во последните продолженија се враќа како Алана Мицополис (Белата вдовица), изгледаше неверојатно во златен фустан кој заслепуваше на италијанското сонце.

Фотографите не го пропуштија моментот кога Том ја бакна Ребека Фергусон, која ја повторува нејзината улога како Илса Фауст во последните филмови.

Француската актерка Пом Клементиеф, која ја игра атентаторката Парис, изгледаше прекрасно во сатенски фустан со боја на јоргован.

На премиерата беше и Грег Тарзан Дејвис, кој го игра Дега во новите филмови, откако глумеше заедно со Том во големиот хит „Top Gun Maverick“ од 2022 година.