ФОТО | „Непрепознатлива“: Моника Белучи стана русокоса

моника белучи
Моника Белучи / Фото: Принтскрин/Инстаграм

Моника Белучи ја краси насловната страница на францускиот магазин „Madame Figaro“, а нејзината трансформација за потребите на снимањето на едиторијалот привлече значително внимание бидејќи актерката ја замени препознатливата темна коса со плава.

Фотографиите се инспирирани од култниот филм „La dolce Vita“, а Белучи треба да потсеќа на легендарната Анита Екберг која во споменатиот филм го толкуваше ликот на Силвија.

За да го постигне тој ефект, фризерот Џон Нолет создал специјална плава перика за потребите на фотосесијата. Откриено е и дека за истата потрошил еден месец.

 

View this post on Instagram

 

A post shared by Thiemo Sander (@thiemosander)

Моника позираше во фустани од бел шифон, тантела и црно кадифе, а за повеќе да личи на Екберг носи и плави леќи.

Иако трансформацијата изненади многумина, Моника како русокоса не е сосема нов феномен. Таа неодамна глумеше во „The Man Who Sold His Sking“, а носеше плава перика и во серијата „Ten Percent“.

„Во секој случај, ја сакам трансформацијата, тоа е моја работа“, изјави таа за списанието.

 


Белучи проговори и за своите години, но и за актерката која се обиде да ја отелотвори за потребите на фотосесијата.

„Моите години ми ја отворија вратата, ми дозволија да се зафатам со нови, поразновидни улоги. Во времето на Анита едноставно немаше да имам шанса да работам“, рече таа.

Видео на денот