ФОТО | Наташа во новите епизоди на „Сексот и градот“: Се враќа најголемата ривалка на Кери Бредшо
Последниве денови, главните хероини од серијата „Сексот и градот“ повторно се на улиците во Њујорк поради снимањето на новото продолжение на серијата со наслов „And Just Like That“, пренесува „Page Six“. Возбудата уште повеќе се зголеми откако беше откриено дека најголемата ривалка на Кери Бредшо повторно ќе ја гледаме во новата серија.
View this post on Instagram
Секако, станува збор за Наташa Нагински, втората сопруга на Sверката, која ја игра Брижит Мојнахан. Таа ќе се појави во серијата како специјален гостин, но и тоа е доволно за да не интригира.
Брижит Мојнахан беше фотографирана на снимањето во Њујорк, а според виденото, јасно е дека нејзиниот лик го задржа својот препознатлив, софистициран и женствен моден стил. Актерката носеше свилена кошула со кратки ракави во нежно сина боја, здолниште во крем боја под колената со процеп во средината, беж сандали и голема темно зелена чанта.
View this post on Instagram
Крис Нот, кој го игра Ѕверка, исто така се враќа во продолжението на „Сексот и градот“, но не е познато со кого Брижит ги снимала сцените бидејќи е сама на фотографиите од сетот. Но, познато е, како што пишува „Page Six“, дека според сценариото, бракот на Кери Бредшо и Џон Престон сериозно ќе се разниша, а парот ќе се најде среде горчлив развод во новата серија.
Не се сомневаме дека нè очекуваат многу возбуда и заплеткувања, исто како што тоа било отсекогаш во животот на хероините на „Сексот и градот“.