ФОТО | Нашиот познат уметник и сликар, Ване Костуранов изложи свои дела во Загреб
Од 26 до 30 октомври, на покана на фестивалот „Pazi, knjiga“ во Загреб, нашиот Ване Костуранов ја има честа да ги претстави своите илустрации пред хрватската публика.
Изложбата е поделена во три тематски целини и се одржува во три различни локации во Загреб.
Едната целина е во излогот на книжарницата и читална „Богдан Огризовиќ“, каде што може да се видат голем број од неговите популарни илустрации, додека во „Галерија VN“ е изложена селекција од авторските сликовници на Ване („Ѕвездено дете“, „Девојче и мече“ и „Девојчето и градот“). Во книжарницата „Kajfesov brijeg“ e претставен избор илустрации од сликовниците кои се настанати во соработка со други авторки. (Даниела Павлек, Ана Ѓокиќ, Ема Понграшиќ, Билјана. С. Црвенковска).
Хрватската публика ќе може да ужива во овие македонски репрезентативни и модерни парчиња уметност, благодарение на покровителството на Министерството за култура и медиуми на Хрватска.