Кошаркарска сениорска репрезентација на Македонија вечерва го одработи првиот тренинг во „Тисалигети“ Арената во Солнок, каде утре вечер, во 18.00 часот ќе го одигра вториот натпревар од претквалификациите за Светскиот Куп 2027 година во Катар.

Согласно со регулативите на ФИБА, нашите најдобри кошаркари го добија терминот во кој ќе се игра натпреварот, а селекторот Марјан Илиевски и неговите асистенти, одлучија нашиот тим да има уште еден.

Ќе биде реализиран на денот на одигрувањето на мечот со Унгарците, во периодот од 10. до 11. часот.

Нашата селекција се надева на подобро издание и прва победа во мундијалските претквалификации.

На табелата во групата Б Романија има четири бодови, по еден Македонија и Унгарија.

Илиевски: Унгарците играат брза кошарка, треба да ја спречиме нивната игра во транзиција